Reqqa-SANA
Daîreya Ezmûnan a ser bi Rêveberîya Perwerdeyê ya parêzgeha Reqqayê ve, dest bi pêşkêşkirina xizmetên derxistin û pejirandina belge û bawernameyan kir. Ev xizmet bi rêya komputerên ku bi sîstema Wezareta Perwerdehîyê ve girêdayî ne, li baregeha nû ya li dibistana “El-Reşîd” a seretayî li bajarê Reqayê têne pêşkêşkirin; ev yek piştî rizgarkirina bajêr ji rêxistina “HSD”ê pêk hat.
Wezareta Perwerdeyê li ser kenala xwe ya Telegramê dîyar kir ku kadroyên ofîsê li baregeha nû dest bi kar kirine. Di nav erkên wan de, piştrastkirin û kontrolkirina daxwaznameyên xwendekarên “xwendina azad” heye, yên ku ji bo ezmûnên bawernameya dibistana bilind û ya navendî yên sala 2026an li seranserî parêzgehê serlêdan kirine.
Sazîyên xizmetguzarîyê yên sektorên cihêreng vegeriyane Parêzgehên Reqa û Dêrezorê, piştî ku hêzên Artêşa Sûrî ji 17ê vê mehê ve kontrola xwe li ser gund û bajarokên her du parêzgehan -piştî rizgarkirina wan ji rêxistina “HSD” û milîsên PKK yên terorîst- gav bi gav sepand.
