Qahîre – SANA
Misirê bi tundtirîn gotinan derbasbûna berdewam a Îsraîlê bo nav xaka Sûrîyê şermezar kir; ew wek binpêkirineke eşkere ya serwerîya Sûrîyê û selametîya axa wê ye, her wiha mîna dijatîyeke zelal a biryarên yasaya navneteweyî tê dîtin.
Wezareta Derve ya Misirê, di daxuyanîyekê de li ser hesabê xwe yê platforma “X”ê, duh Çarşemê, dîyar kir Misir hemû binpêkirin û derbasbûnên Îsraîlê bo nav axa Sûrîyê red dike, û hişyarî da ku “berdewamîya van kiryarên ku alozîyan zêde dikin dê bibe sedema gurkirina hêrsê û têkdana ewlehî û aramîyê li herêmê”.
Wezaretê careke din hevxemîya Misirê ya bi temamî ligel Sûrîyê û piştgirîya wê ji bo serwerî, yekîtî û parastina axa wê anî ziman, û tekezî li ser pêwîstîya vekişîna Îsraîlê ji xaka Sûrîyê ya dagirkirî û pabendbûna bi Peymana Veqetandina Hêzan a sala 1974an kir.
