Mekeya Pîroz-SANA
Wezîrê Ewqafê yê Sûrîyê Mihemed Ebû El-Xeyr Şukrî, duh Duşemê, ligel Wezîrê Hec û Umreyê yê Siûdîyê Tewfîq bin Fozan El-Rebîe, li baregeha Wezareta Hecê ya li Mekeya Pîroz li Erebistana Siûdî, awayên bihêzkirina hevkarîya hevbeş ji bo hêsankirina pêkanîna menasikên hecê ji bo hecîyên Sûrî gotûbêj kirin.
Wezareta Ewqafê bi rêya kanala xwe ya Telegramê dîyar kir ku ketwara xizmetên ji bo hecîyên Sûrî têne pêşkêşkirin û şopandina wan hat gotûbêjkirin, ligel pêşandana planên rêxistinî yên ji bo heca îsal, bi awayekî ku pêkanîna menasikan bi hêsanî û aramî misoger bike, û jîngeheke ewle û rihet ji bo wan di dema rêwîtîya wan a gîyanî de dabîn bike.
Hecîyên Mala Xwedê ya Pîroz ji sibeha Duşemê ve, dest bi hatina ber bi devera Mînayê kirin ji bo derbaskirina Roja Terwîyeyê û kirina nimêjan lê, wek nîşana destpêkirina menasikên hecê yên îsal 1447 K – 2026 Z, da ku sibe Sêşemê berê xwe bidin çoltera pîroz a Çîyayê Erafatê ji bo rawestana li Erafatê ku stûna herî mezin a hecê ye.
