Şam-SANA
Di qonaxeke nû û girîng di çarçoveya avakirina peywendîyên Sûrîyê ligel Ewropayê piştî rizgarkirina welat û hilweşîna rejîma berê di 8ê Kanûna Pêşîn a 2024an de, Serok Ehmed El-Şeri’ îro Duşemê ji Berlînê dest bi geşteke Ewropî kir ku Brîtanya jî li xwe digire.
Ev dîtin bi rêya hevdîtinên Serok El-Şeri’ ligel serkirdeyên bilind ên Ewropî pêk hat, ku wan piştrast kir ku welatên wan li kêleka Sûrîyê ne û ji bo paşerojeke aram, ewle û geş ji bo hemû Sûrîyan kar dikin.
Serok El-Şeri’ di gotara xwe ya li Korbenda Kar a Almanî-Sûrî ya li Berlînê de tekez kir ku Sûrîye bi rêya pêgeha xwe ya stratejîk ji bo zincîreyên dabînkirina enerjîyê penageheke ewle ye, tevî sûdwergirtina ji kadroyên Sûrî yên jêhatî ku li zanîngehên Almanyayê xwendine.
Serok El-Şeri’ di hevdîtina xwe ya îro Duşemê li Berlînê ligel şandeke revenda Sûrî, serbilindîya xwe bi pabendbûna wan bi nasnameya niştimanî û girêdana wan bi welatê wan ve, û xwesteka wan ji bo piştgirîkirina proseya avakirin û geşepêdanê nîşan da.
Serdanên Serok El-Şeri’ ber bi Berlîn û Londonê ve nîşana berfirehbûna tevgera dîplomatîk a Sûrîyê ye ji bo avakirina hevkarîyên bibandor û xurtkirina dîyalogê ligel welatên Ewropî li ser bingeha wekhevî û berjewendîyên hevbeş.
