Enqere-SANA
Li gorî Ajansa Anadoluyê, Berdevkê Partîya Dad û Geşepêdanê (AKP) OmerÇelîk di civîna çapemenîyê de ku îro Duşemê li Enqereya paytexta Tirkîyê, li dû civîna Komîteya Rêveber a partîyê bi serokatîya Serokkomar Receb Teyyip Erdogan hat lidarxistin, dîyar kir ku parastina yekparçebûna Sûrîyê û paqijkirina herêmê ji terorê du têgehên temamker in ku ji hev naqetin.
Çelîk tekezî li ser pêwîstîya derketina model û îradeyekê kir ku tê de hemû Sûrî qezenc bikin, û ev model li ser bingeha prensîba “Yek Sûrîye û yek artêş”ê be, ku mafên her kesî bi wekhevî misoger dike.
Her wiha Çelîk pêzanîn û nirxandina xwe ji bo Mersûma 13an a ku ji alîyê Serok Ehmed El-Şeri` ve hatiye derxistin nîşan da; mersûma ku maf û nasnameya çandî ya Kurdên Sûrîyê misoger dike, piştî bi dehan salan ji marjînalbûn û piştguhkirina ku berê pê re rû bi rû mabûn.
