Doha-SANA
Şandeke Sûrî bi serokatîya Cîgirê Parêzgarê Helebê Ebdulrehman Selame, li Dohaya paytexta Qeterê ligel Odeya Qeterê, rêyên xurtkirina hevkarîya bazirganî, aborî û veberhênanê di navbera her du welatan de gotûbêj kirin, nemaze bal kişandin ser derfetên berdest li parêzgeha Helebê.
Her du alîyan li ser pêkanbûna sazkirina hevdîtinên karsazîyê yên hevbeş ji bo nîşandana projeyên veberhênanê û handana li ser beşdarîya kompanyayên Qeterî di qonaxa jinûveavakirinê de gotûbêj kirin.
Berpirsên Odeya Qeterê tekezî li ser kûrahîya têkilîyên biratîyê û giringîdana karsazên Qeterî bi veberhênanê li Sûrîyê kirin, nexasim li Helebê ji ber asta wê ya bilind di warê pîşesazî, çandinî û bazirganîyê de.
Selame daxwaz ji veberhênerên Qeterî kir ku veberhênanê li Helebê bikin, ji ber ku bajarê pîşesazî yê herî mezin li Sûrîyê li wê derê ye, û dîyar kir ku di nava salekê de nêzî 1400 kargehên nû hatine avakirin.
Alîyê Sûrî dîyar kir ku di çarçoveya têkilîyên Sûrî-Qeterî yên pêş de diçin de, hejmara xelkê ya mezin û hewcedarîyên jinûveavakirinê, asoyên berfireh li pêşîya veberhênanê vedikin.
