Stenbol-SANA
Bajarê Stenbolê yê Tirkîyê sibê mêvandarîya civînekê ji bo gotûbêjkirina çend mijarên têkildarî jinûveavakirin û baştirkirina jîngeha veberhênanê li Sûrîyê dike, ev yek di çarçoveya çalakîyên Gera 41emîn a Komîteya Daîmî ya Hevkarîya Aborî û Bazirganî ya Rêxistina Hevkarîya Îslamî “COMCEC” de ye.
Ajansa nûçeyan a Tirkîyê Anadoluyê dîyar kir ku civîn dê di asta wezîran de pêk were ji bo gotûbêjkirina gelek mijarên bingehîn wek jinûveavakirina binesazîya li Sûrîyê, handana derfetên kar, baştirkirina jîngeha veberhênanê, peydakirina xizmetên giştî yên bingehîn, xurtkirina mekanîzmayên hevrêzîyê di navbera sazîyan de û çalakkirina rola sektora taybet di hewldanên avakirin û pêşketinê de.
Îro, rûniştina wezîran a civîna komîteya “COMCEC” bi axaftina Serokomarê Tirkîyê Receb Tayyîp Erdogan û bi beşdarîya wezîr û nûnerên payebilind ji welatên endamên Rêxistina Hevkarîya Îslamî, ligel nûnerên rêxistinên navneteweyî yên cihêreng, hat vekirin.
Duh li kêleka civîna komîteya COMCEC du semîner hatin lidarxistin ku tê de xurtkirina karînên dezgehî û mirovî û çalakkirina çalakîyên aborî li deverên gundewarî yên Sûrîyê hatin gotûbêjkirin, her weha sibê dê semînerek bi sernavê “Çalakkirina Dînamîkên Pêşketina Aborî û Civakî.. Modela Komara Erebî ya Sûrîyê” were lidarxistin.
Duh li bajarê Stenbolê karên Gera 41emîn a Komîteya Daîmî ya Hevkarîya Aborî û Bazirganî ya Rêxistina Hevkarîya Îslamî “COMCEC” bi beşdarîya Sûrîyeyê dest pê kiribû.
