Şam-SANA
Serok Ehmed El-Şara Peyameke spasdariyê arasteyî revenda Sûrî ya li Amerîkayê kir li ser pêşwaziya germ ya ku jê re li New Yorkê kirin, dema serdana wî ya bo Amerîkayê.
Serok El-Şera di nameya xwe de weha got: Kur û keçên Sûriyê yên xoşewîst ên li Amerîkayê, ez ji dil û can spasiya we dikim li ser germiya pêşwazîkirina we û hestên we yên bi tîn ên ku we di dema serdana min a New Yorkê diyar kirin.
Serok El-Şera weha jî got: Helwesta we ya niştimanî ya cihê serbilindahiyê û amadebûna we ya payedar, derbirîna herî durust bû ji hestên hezkirina we ji welatê we re û baweriya we ya ku nayê guhertin bi erkê dûbare-geşkirina wî.
Serok El-Şera weha berdewam kir: We çesipand ku mirovê Sûrî ger kuve biçe jî, her wefadarê koka xwe ye, pêgirê nirxên xwe ye, helwestên wî neguhêr in, we dîmeneke cihê şahnaziyê yê kesê Sûrî yê azad ê ku serbilind e bi rumet û nasnameya xwe ya Sûrî pêşkêş kir. Û El-Şera tekez kir ku Sûriya ti carî vê helwesta we ya payebilind a ku resenî û niştimanperweriya we nîşan dide jibîr nake.
