Şam -SANA
Serok Ehmed El-Şeri’ mersûma hejmar (13) ya sala 2026an derxist. Ev mersûm tekez dike welatîyên Kurd ên Sûrîyê parçeyekî bingehîn û resen ji gelê Sûrîyê ne û nasnameya wan a çandî û zimanî parçeyekî jêneger ji nasnameya niştimanî ya Sûrî ya pirreng û yekgirtî ye.
Naveroka mersûmê:
Serokkomar
Li gorî bendên Danezana Destûrî û li gorî pêdivîyên berjewendîya niştimanî ya bilind; û li ser bingeha rol û berpirsyarîya dewletê di xurtkirina yekîtîya niştimanî û çespandina mafên çandî û medenî yên hemûwelatîyên Sûrîyê.
Ev biryar hatin girtin:
Madeya (1): Welatîyên Kurd ên Sûrîyêparçeyekî bingehîn û resen ji gelê Sûrîyê tên hesibandin. Nasnameya wan a çandî û zimanî parçeyekî jêneger ji nasnameya niştimanî ya Sûrî ya pirreng û yekgirtî ye.
Madeya (2): Dewlet pabend e bi parastina cihêrengîya çandî û zimanî û mafêwelatîyên Kurd di vejandina mîrat û hunerên wan û pêşxistina zimanê wan ê dayikêdi çarçoveya serwerîya niştimanî de misoger dike.
Madeya (3): Zimanê Kurdî wekî zimanekî niştimanî tê hesibandin, û destûr tê dayîn ku di dibistanên dewletê û yên taybet de li wan deverên ku Kurd rêjeyeke berbiçav ji niştecihan pêk tînin were hînkirin, wekî parçeyekî ji bernameyên xwendinê yên bijarte yan jî wekî çalakîyeke çandî ya perwerdehîyê.
Madeya (4): Kar bi hemû yasa û tedbîrên awarte yên ku ji serjimêrîya sala 1962an li Parêzgeha Hesekê derketibûn tê betalkirin, û hemwelatîbûna (regeznameya) Sûrîyê ji bo hemû welatîyên bi koka xwe Kurd ên ku li ser xaka Sûrîyê dijîn tê dayîn, di nav de “Mektûm el-Qeyd” (yên qeydnekirî), bi wekhevîya wan a tam di maf û erkan de.
Madeya (5): Cejna “Newrozê” (21ê Adarê) li seranserê Komara Erebî ya Sûrîyê wekî bêhnvedaneke (betlaneyeke) fermî ya bi mûçe tê hesibandin, wekî cejneke niştimanî ku nîşana bihar û biratîyê ye.
Madeya (6): Sazîyên dewletê yên ragihandinê û perwerdehîyê pabend in bi pejirandina gotareke niştimanî ya giştgir, û bi yasayê her cure cudakarî an dûrxistina li ser bingeha nijadî yan zimanî tê qedexekirin, û her kesê ku fitneya neteweyî sor bike li gorî yasayên berkar tê cezakirin.
Madeya (7): Wezaret û alîyên peywendîdar berpirsên derxistina rênimayîyên bicîhkirinê yên pêwîst in ji bo sepandina bendên vê mersûmê, her yek li gorî taybetmendîya xwe.
Madeya (8): Ev mersûm di rojnameya fermî de tê weşandin û ji dîroka derketina wê ve dikeve ware cîbicîkirinê de.
Ehmed El-Şeri’
Serokê Komara Erebî ya Sûrîyê
Şam 27ê Receba 1447an – 16ê Kanûna Duyem a 2026an.
