Emman – SANA
Wezîrê Ragihandina Hikûmî û berdevkê fermî yê hikûmeta Urdunê Mihemed El-Mûmenî, îro Sêşemê bi rêya platforma “X”ê, berdewamîya rola mirovî ya Urdunê li hember penaberên Sûrî li gorî polîtîkaya vegera xwebexş û yasaya navdewletî tekez kir, ligel pabendbûna bi piştgirîya aramîyê tevî zêdebûna barên giran.
El-Mûmenî ligel nûnera Komîserîya Bilind a Penaberan Maria Stavropoulou xurtkirina hevahengîya ragihandinê gotûbêj kir, û eşkere kir ku zêdetirî 192 hezar Sûrîyên qeydkirî ji dema ketina rejîmê ve bi dilxwazî vegerîyane welatê xwe da ku rûmeta wan were parastin.
Komîserîyê ragihand ku ji 8ê Kanûna Pêşîn a 2024an ve 190 hezar penaber vegerîyane, ku 16 hezar ji wan ji destpêka îsal ve ne; bi vî rengî: 4500 di Kanûna Paşîn de, 3900 di Sibatê de, 3400 di Adarê de, û 4000 di Nîsanê de, ku ev yek leza vegera berdewam ber bi Sûrîyê ve nîşan dide.
