Waşington-SANA
Serokê Amerîkayê Donald Trump pesnê hewldanên ku Serok Ehmed El-Şeri` ji bo Sûrîyê dide, da.
Medyayan li ser zarê Trump di konferanseke rojnamevanîyê ya duh Sêşemê de ragihandin ku: “Serokê Sûrîyê bi dijwarî dixebite û ew mirovekî bihêz û hişk e.” Trump her wiha destnîşan kir ku pêwendîya telefonî ya ku pêr Duşemê di navbera wan de pêk hat, ji bo gotûbêjkirina rewşa Sûrîyê bû.
Trump gotina xwe wiha kuta kir: “Hinek terorîstên herî metirsîdar ên cîhanê li Sûrîyê hene û em bi awayekî baş çavdêrîya wan dikin.”Her du serokan, El-Şeri` û Trump, pêr Duşemê di dema pêwendîya telefonî de girîngîya parastina yekîtîya axa Sûrîyê û serxwebûna wê, û piştgirîya hemû hewldanên ji bo pêkanîna aramîyê, piştrast kiribûn.
