Şam – SANA
Wezareta Rewşên Awarte û Birêvebirina Karesatan, sê makîneyên kolandinê yên hîdrolîk û bi zincîr ji Sazîya Axa Xan wergirtin, di çarçoveya hevkarîya stratejîk a di navbera her du alîyan de, û cîbicîkirina rêkeftina hevkarîyê ya di navbera wan de hatibû îmzekirin.
Bîrnameya wergirtinê ji alîyê Alîkarê Wezîrê Rewşên Awarte û Birêvebirina Karesatan Ehmed Qezîz û Rêveberê Cîbicîkar yê Sazîya Axa Xan Dr. Muhened Ubeydo ve hat îmzekirin.
Di vê rêkeftinê de, xwedîtîya van makîneyên kolandinê, yên ku bi sîstemên ewlehîya elektronîk û teknolojîyên pêşketî yên ji bo başkirina xerçkirina sotemenîyê hatine sazkirin, bo wezaretê tê veguhestin, bi mebesta bikaranîna wan di qadên karê mirovî, parastina sivîl, birêvebirina karesatan û karên jinûveavakirinê.
Her du alîyan tekezî li ser giringîya vê hevkarîyê di bihêzkirina şîyanên bersivdayîna lezgîn de bo rewşên awarte û rûbirûbûna metirsîyên mîna erdhej û lehîyan kirin, ligel piştgirîya hewldanên biserxwevhatinê û parastina civakên xwecihî li gorî pîvanên herî bilind ên amadebaşî û karîgerîyê.
