Şam-SANA
Hat ragihandin Qatilê Dr. Basil Zenoyê ku berîya niha hatibû qetilkirin ji teref Beşa Lêpirsînên Sûc a Wezareta Karên Hundir ve li gundewarê Şamê hat girtin
Li gorî agahîyên ku hatine wergirtin Şaxa Lêpirsîna Sûcan li gundewarê Şamê, kesê ku Dr. Basil Zeno li ber klînîka wî ya li taxa Cemîliya ya Helebê di destpêka vê mehê de qetil kir, bi operasyona ku lidar xist. girt.
Ji teref Berdevkê Wezareta Karên Hundir Nûredîn el-Baba ve derbarê mijarê de daxuyanîyek hat belavkirin.
Nûredîn el-Baba Berdevkê Wezareta Karên Hundir di daxuyanîyaku îro li ser kanala xwe ya Telegramê belav kir de derbarê mijarê de wiha got: “Fermandariya Ewlekariya Navxweyî li Parêzgeha Helebê, bi rêya Şaxa Lêpirsîna Tawanan, piştî bûyera gulebaranê ku Dr. Basil Zeno li ber klînîka xwe ya li taxa Cemîliya rastî wê hat û bû sedema mirina wî, lêpirsînek tavilê da destpêkirin.”
Berdevkê Wezaretê di berdewama daxuyanîya xwe de wiha got: “Piştî lêkolîn û berhevkirina agahiyan, hat destnîşankirin ku sûcdar (N. K.) xizmekî qurbanî bû û sûc li ser bingeha nakokiyeke malbatî ya têkildarî mîratê hatiye kirin.”
Berdevkê Wezaretê rave kir ku piştî naskirina sûcdar, cihê wî li gundewarê Şamê hatiye şopandin, li wir Şaxa Lêpirsîna Tawanan ew girtiye, rê li ber veguhestina wî ji bo Parêzgeha Helebê vekiriye da ku lêpirsînê temam bike û wî bişîne dadweriya pêwendîdar.
Ji teref Fermandariya Ewlekariya Hundirîn ve jî derbarê mijarê de daxuyanîyek hat belavkirin. Di daxuyanîya ku hat belavkirin de hat destnîşankirin, Fermandariya Ewlekariya Hundirîn li parêzgeha Helebê pabendbûna xwe ya şopandina dozê heta ku hemû prosedurên qanûnî biqedin û edalet pêk were destnîşan dike.
