Şam-SANA
Wezîrê Dadê Mezher El-Weys piştrast kir ku pirsgirêka kesên bêserûşûn li Sûrîyeyê her ewlewîyeke neteweyî ya bilez dimîne, ev yek jî dike ku em li ber xwe bidin ku çarenûsa wan were eşkerkirin, kesên berpirsyar werin dadgehkirin û tedbîrên qanûnî ji bo misogerkirina edaletê ji bo qurbanîyan û sivikkirina êşa malbatên wan, werin pêkanîn.
Wekî din jî, di posteke xwe ya li ser platforma “X”ê de bi boneya Roja Navneteweyî ya Bêserûşnan, wî tekez kir ku ev pirsgirêka mirovî yek ji tawanên herî hovane yên rejîma berê ne. Loma, da tekezkirin ku Wezareta Dadê bi hevrêzî digel Komîsyona Neteweyî ya Bêserşûnan, ji bo çaksazîya sazûmanî û çareserkirina van dozan di çarçoveya serwerîya hiqûqê û edaleta veguhêz de, pabendî berdewamîyê ye.
Her weha El-Weys bang li hemî sazîyên neteweyî û navneteweyî û rêxistinên civaka sivîl kir ku ji bo eşkerekirina rastîyê, bidestxistina edaletê û parastina bîranîna qurbanîyan, hevkarîyê bikin.
Li alîyê din jî, di bîranîna vê rojê de, Sûrîye tevlî civaka navneteweyî dibe û tekez dike ku ev mijar dê wekî xema sereke bimîne û heta ku edalet ji bo serwindayîyan neyê bicîhanîn û rastî neyê eşkerekirin, nayê girtin.
Wezareta Karên Derve jî ji alîyê xwe ve rave kir ku damezrandina Desteya Neteweyî ya Sûrîyeyê ya ji bo Kesên Bêserşûn îradeya neteweyî ya çareserkirina vê pirsgirêkê bi lêvegereke serbixwe nîşan dide.
Serokatîyê jî di Gulana çûyî de birayarnameyek derxistibû ku deste were avakirin da ku çarenûsa bi hezaran kesên serwinda eşkere bike, piştgirîyê bide malbatên wan û van dozan wekû databaseke neteweyî bide belgekirin.
