New York-SANA
Bi boneya Roja Penaberan a Cîhanî, Sekreterê Giştî yê Neteweyên Yekbûyî Antonio Guterres, banga xurtkirina hevgirtina navneteweyî ligel penaberan kir, û da zanîn ku divê ji bo parastina kesên ku neçar bûne welatên xwe bi cih bihêlin, gavên bibandor û bikêrhatî werin avêtin. Wî destnîşan jî kir ku hîn bi mîlyonan kes, ji ber pevçûn û zilmê, dûrî mal û welatên xwe li ewlehîyê digerin.
Guterres li ser girîngîya pabendîya bi yasayên navneteweyî yên penaberan û parastina mafê daxwaza penaberîyê rawestîya. Bang ji bo dabînkirina çareserîyan kir ku rê li ber jîyaneke biewle û rûmet ji penaberan re veke, ligel peydakirina derfetên rastîn yên ku bihêlin ew pişta xwe bi tu kesî ji xwe pê ve girê nedin. Di heman demê de, tekezî li ser zêdekirina hewldanên pêkanîna aştîyê, û pabendîya bi bendên Peymana Penaberan kir.
Wekî din, wî xwest ku piştgirîyeke zêdetir ji bo penaberan û her weha ji dewlet û civakên mêvandar re were peydakirin, û dîyar kir ku xebata hevpar ji bo parastina mafê kesên ku bi zorê ji mal û welatên xwe hatine koçberkirin, rêya herî baş e.
