Waşington – SANA
Serokê Amerîkayê Donald Trump ragihand ku Îranê ji wî re gotiye ku Amerîka dê neçar bimîne ku “toza navokî” ji navendên wê yên zîyandîtî derxîne.
Trump ji bo “Fox News”ê dîyar kir ku Tehranê nekarîna xwe ji bo derxistina “toza navokî” ji navendên xwe yên hatine bombebarankirin ji ber kûrahîya wê ya zêde piştrast kiriye; her wiha destnîşan kir ku Waşingtonê hîn mekanîzmaya derbasbûna nav axa Îranê ji bo rakirina wê tozê dîyar nekiriye û li benda danûstandinên zêdetir e. Trump her wiha pêşbînî kir ku Îran wekî bijarteya dawî Tengava Hurmizê bigire, û tekez kir ku ew ê bi tu awayî nehêlin Îran bibe xwedî çekên navokî.
Li gorî rojnameya New York Timesê, ew maddeya ku wekî “toza navokî” tê binavkirin ne tozeke rastîn e, lê belê depoya Îranê ya uranyuma bi rêjeya 60% hatiye dewlemendkirin e, ku ev rêje nêzîkî asta 90%î ye ya ku ji bo çêkirina çekên navokî pêwîst e.
