Parîs-SANA
Li seranserê cîhanê di warê naskirina Filistînê ya wek dewletbûnê de geşedan bênavber berdewam dikin. Yek ji van geşedanan îro li Fransayê pêk hat. Serokê Fransayê Emmanuel Macron îro qerardarîya xwe ya ji bo naskirina dewleta Filistînê dubare kir, û tekez kir ku her operasyoneke leşkerî ya Îsraîlê an jî hewldanên ji bo desteserkirin û koçberkirinê dê vê pêvajoyê ji holê raneke.
Macron derbarê mijarê de li ser hesabê xwe yê (X)ê parvekirinek kir. Macron di parvekirina xwe de got: “Min tenê bi Prensê Erebistana Siûdî re sohbetek kir û em ê bi hev re serokatiya konferansa çareseriya du dewletan bikin ku biryar e di 22ê Îlonê de li New Yorkê, li kêleka civînên Civata Giştî ya Neteweyên Yekbûyî were lidarxistin.”Macron her wisa di parvekirina xwe de îfade kir ku armanc ew e ku piştgiriya navneteweyî ya herî berfireh ji bo naskirina dewleta Filistînê were seferber kirin.
Di parvekirina ku li ser medyaya civakî hat kirin de Macron her wilo diyar kir ku her operasyoneke leşkerî ya Îsraîlê an jî hewldanên ji bo desteserkirin an koçberkirina Filistîniyan dê momentuma ku ji hêla Fransayê ve bi hevkariya Erebistana Siûdî ve hatî destpêkirin, ku berê jî gelek welat tevlî bûne, asteng neke û ew ê li pey vê qerara xwe bisekinin.
Berî niha ji teref Amerîkayê ve vîzeyên hinek Filistînîyan hatibûn betalkirin ku Serokê Fransayê biryara Amerîkayê ya redkirina vîzeyan ji rayedarên Filistînî re rexne kir, û ew wekî nepejirandî bi nav kir. Wî bang li Washingtonê kir da ku vê qerarê betal bikin û rê bide şandeya Filistînî ku li gorî erkên welatê mêvandar ji Neteweyên Yekbûyî re beşdar bibe.
Tîrmeha borî, Macron di civînên Civata Giştî ya Neteweyên Yekbûyî yên vê Îlonê de niyeta xwe ya naskirina Dewleta Filistînê ragihandibû.
