Bruksel-SANA
Wezîrê Derve yê Belcîkayê Maxime Prévost, da xuyakirin ku welatê wî dil kiriye ku di civînên Komela Giştî ya Neteweyên Yekbûyî de ku biryar e di 9ê Îlonê de dest pê bikin, itîrafê bi Dewleta Filistînê bike.
Wekî din jî, Reuters ji zarê Prévost veguhest ku di posteke xwe ya platforma “X”ê de gotiye: “Belcîka jî dê tevlî koma îmzekerên Danezana New Yorkê bibe ya ku Tîrmeha borî ji hêla Fransa û Siûdîyê ve hatibû birêxistin, da ku rêya çareserîyê bi veqetandina her du dewletan bide pêş û bi vî rengî itîrafê bi Dewleta Filistînê bike.” Li alîyê din jî, wî rave kir ku ev biryar ji ber trajedîya mirovî ya li Filistînê -bi taybetî li Xezeyê- tê, û her weha wekû bersivekê li dijî tundûtûjîya Îsraîlê ya ku berdewam qanûna navneteweyî binpê dike, tê.
Bi vî rengî, Belcîka jî tevlî çend welatên Rojavayî dibe ku heman nîyet li hemberî şerê qirkirin û birçîbûnê yê ku ji hêla Îsraîlê ve li dijî Filistînîyan li Xezayê tê kirin, dîyar kirine.
Sizayên Velcîkayê yên tund li dijî Îsraîlê
Wezîrê Derve yê Belcîkayê dîyar kir ku welatê wî dê 12 sizayên tund li ser Îsraîlê bide ferzkirin; her wekî: Qedexekirina hawirdekirinê û nirxandina polîtîkayên kirîna giştî bi kompanîyên Îsraîlî re. Li alîyê din jî, Wezîrê Derve yê Belcîkayê pabendîya welatê xwe ya beşdarîya di avakirina Filistînê de piştrast kir.
Sozên Navneteweyî yên Berê
Vê talîyê, çend welatekî helwesteke wekî ya Belçîkayê girt; di dawîya Konferansa Veqetandina Her Du Dewletan de ya li New Yorkê, 15 welatan nîyeta xwe ya itîrafa bi Dewleta Filistînê anî ziman û bang li yên din jî kir ku beşdar bibin. Paşê, Fransa, Kanada, Awsturalya, Spanya û Îrlanda jî tevlî bûn. Wekî din jî, Dadgeha Navneteweyî ya Edaletê, par piştrast kir ku dagirkirîya Îsraîlê ya li ser axa Filistînê neqanûnî ye û divê jê were vekişandin.
