Şam – SANA
Desteya Navendî ya Çavdêrîya Darayî da zanîn ku piştî derbaskirina Ezmûna nivîskî ji hêla berbijêran ve, li avahîya Desteyê li Şamê û di bin çavdêrîya kadroyên wê de Ezmûnên devkî ji bo pêşbirka wergirtina posta “alîkarê pişkîner” tên lidarxistin.
Desteyê duh Duşemê bi rêya kanala xwe ya Telegramê eşkere kir ku ji nav 1350 kesên ku beşdarî ezmûna nivîskî bûbûn, nêzîkî 710 serlêder bi ser ketine.
Her wiha da xuyakirin ku ev hevdîtin qonaxek in ji bo temamkirina nirxandina berbijêran û pîvana asta amadebûna wan ji bo wergirtina vê erkê.
Desteya Navendî ya Çavdêrîya Darayî destnîşan kir ku piştî temambûna ezmûnên devkî ligel tevahîya serlêderan, encamên dawî yên kesên serkeftî dê li ser rûpel û platformên fermî yên Desteyê bên ragihandin.
