Hims-SANA
Piştî nûjenkirin û amadekirinê, Wezîrê Navxwe Enes Xetab, îro Çarşemê, Şaxê Lêkolîna Tawanan li taxa El-We’er li bajarê Himsê, vekir. Armanc jî ew ku e pergala karê tawanan pêş bixe û gilî û gazinên hemwelatîyan bi lez bên bersivdan.
Berdevkê Wezareta Navxweyî, Nûredîn El-Baba, di daxuyanîyekê de ji bo SANAyê tekez kir ku ji bo xurtkirina amadehîya lêkolînên tawanan, peydakirina amûr û alavên lojîstîk ên nûjen ji bo kadroyan pêwîst da ku erkên xwe bi cî bînin, ev şax hat vekirin.
Her wiha EL-Baba bal kişand ser wê yekê ku ji bo xizmetkirina hemwelatîyan bi pîşeyî û pisporî, ev gaveke sererastkirina xebatê ya giştgir e.
Beşên Pispor û Berfirehkirina Vegirtina Qadê
Serokê Şaxê Lêkolîna Tawanan li Himsê Eqîd Mihemed Turkî El-Ced’an zelal kir ku ji bo guhertina taybetmendîya vî şaxî ya berê, avahî bi giştî hatiye nûjenkirin. Her wiha wî bal kişand ser peydakirina kadroyên perwerdekirî û teknolojîyên nûjen ji bo hêsankirina karûbarên hemwelatîyan û berfirehkirina vegirtina qadê.
Her di vê çarçoveyê de, navborî dîyar kir ku ev şax, beşên pispor dihewîne, di nav de Lêkolîna Tawanan ku bi şopandina tawanan, sextekarî û qelbjenî re têkildar e û Belgeyên Tawanî ku pispora komkirina belgeyan e, her wiha bi tomarkirina tawanî, moletdan (rêdan) û tawanên elektronî ve têkildar e .
