Dera-SANA
Hêzên Ewlekarîya Hundirîn li Parêzgeha Derayê heft kesên ku destê wan di pevçûna çekdarî ya li gundê Um Weledê li gundewarê rojhilatê Derayê de hebû, girtin.
Ev bûyer berîya du hefteyan qewimîbû.
Fermandarê Ewlekarîya Hundirîn li Derayê Emîd Husam El-Tehan îro Yekşemê ji SANAyê re ragihand ku tawanbarên navborî hatine girtin.
Di nav wan de her du kesên sereke yên ku gule reşandibûn û bûbûn sedema kuştina xortê bi navê Mihemed Fewzat El-Zubyan El-Rîfaî, ku ew jî (Z.R) û (M.R) in.
Herdu tawanbar piştî kiryara xwe revîyabûn û xwe veşartibûn, lê yekîneyên pispor bi şopandin û lêgerîna hûr karîn cihê wan dîyar bikin û wan bigirin.
Kesên girtî ji bo temamkirina lêpirsînan û wergirtina rêkarên yasayî yên pêwîst radestî dadgehê hatin kirin.
Emîd El-Tehan sersaxî ji malbata xortê wefatkirî re xwest û hêvîya sebrê ji bo wan xwest.
