Heleb – SANA
Wezîrê Xwendina Bilind û Lêkolînên Zanistî Merwan El-Helebî, Wezîrê Ewqafê Mihemmed Ebû El-Xêr Şukrî, Parêzgarê Helebê Ezam El-Xerîb û Berpirsê Herêma Babê Huseyn El-Şihabî, bingeha her du projeyên Bajarê Rêveberîyê û Kolejên Babê yên ser bi Zanîngeha Helebê ve li gundewarê rojhilat ê parêzgehê, danîn.
Armanca projeya Bajarê Rêveberîyê ew e ku sazîyên hikûmetê di navendeke yekbûyî de kom bike da ku rêkar hêsan bibin, di demekê de ku projeya Kolejên Babê xwendina zanîngehê ya dewletê ji bo xelkên herêmê peyda dike.
Wezîrê Xwendina Bilind tekez kir ku vekirina kolejên Bijîşkîya Veterînerî, Endezyarîya Çandinîyê û ya Bîyolojîyayê, gaveke stratejîk e, hewcedarîyên herêmê di warên ewlehîya xwarinê, sermaya ajaldarîyê û lêkolînên zanistî de peyda dike.
Ji alîyê xwe ve, Alîkarê Wezîrê Ewqafê Samir Beyreqdar, dîyar kir ku proje bi hevkarîya ligel Encumena Bajarê Babê li ser erdekî hikûmetê ye ku rûbera wî 200 donim e li Çîyayê Eqîl tê avakirin, da ku zanîngeh, avahîyên niştecîbûnê û yên rêveberîyê li xwe bigire.
Berpirsê herêmê Huseyn El-Şihabî dîyar kir ku projeya zanîngehê li ser rûbera 46 hezar metreyên çargoşe ji bo avakirina neh kolejan e, ku di qonaxa yekem de sê ji wan hatine pejirandin, li kêleka komelgehên niştecîbûnê ku 1800 xanîyan peyda dike, û bajarekî rêveberîyê ji bo kêmkirina qerebalixîyê û hêsankirina xizmetguzarîyan, ku ev yek piştgirîya geşepêdana xwecihî dike.
