Şam – SANA
Dezgeha Giştî ya Niştecihkirinê, bang li welatîyên ku mafê xanîyên amade di projeyên “Xanîyên Ciwanan”, “Perekomkirin” û “Karkeran” de li parêzgehên (Gundewarê Şamê, Hims, Hema, Laziqîyê, Tertûs, Heleb, Quneytira û Dêrazorê) bi dest xistine kir, ku serdana Rêveberîya Giştî yan jî şaxên wê yên peywendîdar bikin, da ku girêbestên xanîyên xwe îmze bikin û wan bi fermî wergirin.
Dezgehê dîyar kir ku dema serlêdanê di 5ê Tîrmeha îsal de dest pê kiriye û wê ta 4ê Cotmeha 2026an berdewam bike, û tekez kir ku ev daxuyanî wekî hişyarîya dawî ye ji bo kesên ku girêbestên xwe îmze nekirine. Her wiha dîyar kir ku ev bang li gor biryara Wezîrê Karên Giştî û Niştecihkirinê a jimar 3718 ya sala 2026an û rênimayên wê yên cîbicîkirinê hatiye belavkirin.
Dezgehê her weha destnîşan kir ku kesên beşdar karin bi rêya rûpelên fermî yên Wezaretê û Dezgeha Niştecihkirinê li ser her du platformên “Facebook” û “Telegram”ê, agahîyên derbarê avahîyên ku di daxuyanîyê de cih digirin bibînin. Her weha tekezî li ser giringîya pabendbûna welatîyan bi demên dîyarkirî û temamkirina rêkarên îmzekirina girêbestê û wergirtinê li gorî yasayên pejirandî kir, bi awayekî ku mafên wan ên qanûnî parastî bin.
