Dêrezor-SANA
Şirketa Giştî ya Ava Vexwarinê li Dêrezorê, bi hevkarîya rêxistina “UNICEF”ê û bi piştgirîya xwecihî, projeya nûjenkirina stasyona avê ya “Sebîxan Xuneyfis” li gundewarê rojhilat berdewam dike; bi armanca baştirkirina dabînkirina ava vexwarinê.
Karên avahîsazîyê bi destpêşxerîya xelkê herêmê dest pê kirin, û UNICEF karên mayî yên mekanîkî û elektrîkî temam dike da ku karîna stasyonê bilind bike. Her wiha karên kolandinê ji bo kişandina tora nû ya avê ji bo bajarê Sebîxanê bi dirêjîya 7555 metreyan dest pê kirine, ku dema cîbicîkirina projeyê şeş mehan dirêj dike.
Di heman çarçoveyê de, tîmeke hevbeş ji şirketa avê û rêxistinê serdana qadê kir da ku çavdêrîya meşîna kar bike û bicîhanîna wî li gorî pîvanên teknîkî yên pêwîst dabîn bike.
