Şam-SANA
Wezareta Perwerde û Hîndekarîyê tekez kir ku dest bi cîbicîkirina planeke lezgîn a meydanî kiriye ji bo nûjenkirina pergala perwerdeyê li parêzgehên Reqa, Dêrazor û Hesekê, û gundewarên Helebê (Dêr Hafir û Meskenê), da ku vegera xwendekar û mamosteyan û birêveçûna asayî ya proseya perwerdeyê misoger bike.
Serokê Daîreya Ragihandinê Hemze Hûrîye zelal kir ku plan xwe dispêre sê bingehan: Nûjenkirina binesazîyê, dabînkirina pêdivîyan û amadekirina jîngeha dibistanan. Her wiha tekez kir ku dabînkirina pêdivîyên bingehîn (text, sobe, alavên rûniştinê) ji bo dibistanên gundewarê Heleb, Reqa û Dêrazorê bi dawî bûye, wek amadekarîyekê ji bo werza duyem a xwendinê.
Dabeşkirina 700 hezar pirtûkên dibistanê li deverên rizgarkirî, û çalakkirina xizmetên îdarî û ezmûnan bi awayekî elektronîk li Reqayê, tevî birêkxistina veguhastina kadroyên perwerdeyê.
Encamdana ezmûnên naskirinê û danîna bernameyeke perwerdeyê ya qerebokirinê ji bo xwendekarên ku ji xwendinê dûr ketine li deverên rizgarkirî, da ku arambûna proseya perwerdeyê misoger bibe û piştgirîya geşepêdana civakî bê kirin.
Wezareta Perwerdeyê komîteyeke navendî ji bo nirxandina dibistanan û dabînkirina kadro, pirtûk û karên nûjenkirinê li parêzgehên Reqa, Hesekê û Dêrazorê ava kir.
