Şam-SANA
Serokê Komîteya Lêpirsînan ya Niştimanî ya Bûyerên Siwêdayê, Dadwer Hatim El-Neʼsan, îro bi Berpirsê Karûbarên Balyozxaneya Fransayê li Şamê, Jean-Baptiste Favre, bi amadebûna Şêwirmenda Sîyasî ya Karûbarên Sûrîyê li Balyozxaneya Fransayê li Şamê, Emel Benhagough re civîya. Di civînê de şêwazê karê komîteyê û erkên wê yên şopandin û belgekirina bûyerên ku li parêzgeha Siwêdayê rû dane gotûbêj kirin.
Di civîna ku li Wezareta Dadê pêk hat de, Dadwer El-Neʼsan behsa rêkarên ku hatine şopandin, mekanîzmayên berhevkirina zanyarîyan û tedbîrên ku ku hatine standin ji bo kar di çarçova xwe ya yasayî de bimîne, kir.
Ji alîyê xwe ve, Karspartîyê Fransî tekezî li ser giringîya xebatên eşkerekirina rastîyê û misogerkirina mafên kesên zîyanlêbûyî kir , û bal kişand ser ku Fransa giringîyeke mezin dide şopandina pêşketinên têkildarî van bûyeran û zêdekirina hevkarîyê di warên ku têkevin berjewendîya her du welatan de.
Di dawîya civînê de tekezî li ser girîngîya hevrêzîya berdewam û danûstandina zanyarîyên dezgehan, bi awayê ku piştgirîya pêvajoya edaletê û xurtkirina prensîbên zelalîyê bike, hat kirin.
