HSDê di êrîşa xwe ya li ser hawîrdorê taxa Şêx Meqsûd û Eşrefîyê, ligel taxên Meydan, Bostan Paşa, Şêx Taha û Seyf El-Dewle, hawin, rextên giran, roket û guleyên nîşangiran bi kar anîn.
Di encama êrîşê de welatîyekî sivîl jî Şehîd ket û hindekên din birîndar bûn ku jin û zarok jî di nav de ne. Hinek ji birîndaran ji bo Nexweşxaneya Razî hatin veguhestin.
Li gorî jêdereke leşkerî, ev alozî piştî wê yekê hat ku Artêşa Sûrîyê tunêleke HSDê ku ji bo encamdana çalakîyên dizî û karên têkder hatibû amadekirin, tespît kir û teqand. Piştî teqandina tunêlê, HSDê endamên xwe yên bi kincên sivîl şandin û wan wek ji bo balê bikşînin alîyekî din, bi daran û keviran bi xalên kontrolê re pevçûn, berî ku çekdarên wan rasterast êrîşî xalên kontrolê bikin.
Wek bersivdana êrîşê, Artêşa Sûrîyê ji bo girtina rêyên ber bi wan taxan ve diçin, xalên kontrolê danîn û li derdora herêma Şêx Meqsûd û Eşrefîyê ji nû ve belav bû.
