Şam-SANA
Wezîrê Aborî û Pîşesazîyê Mihemed Nîdal El-Şaar ligel Karbidestê Karûbarên Balyozxaneya Fransî li Şamê Jean-Baptiste Faivre, asoyên hevkarîya aborî ya di navbera Sûrîye û Fransayê de û awayên pêşxistina wê di qonaxa bê de gotûbêj kirin.
Di civîna ku duh Duşemê li avahîya wezaretê hat lidarxistin, awayên xurtkirina veberhênanê û mekanîzmayên piştgirîkirina geşepêdana domdar hatin nirxandin, bi awayekî ku beşdarî berfirehkirina qadên hevkarîya aborî ya di navbera her du welatan de bike, û piştgirîya hewldanên geşepêdanê û jinûve çalakkirina sektorên aborî di qonaxa bê de bike.
Ev gotûbêjên Sûrî-Fransî di çarçoveya hewldanên berfirehkirina têkilîyên hevkarîya aborî digel welatên dost û hevpar tên, her wiha ji bo kişandina veberhênanên bîyanî, û xurtkirina hevbeşîyên ku beşdarî piştgirîya geşepêdana domdar û jinûveçalakkirina sektorên aborî û hilberînerîyê dikin, bi awayekî ku li gorî qonaxa başbûn û jinûveavakirina li Sûrîyê be.
