Şam-SANA
Sazîya “Karûbarên Ciwanan li Parêzgeha Şamê” li Navenda Çandê ya “Ebû Rumanê” rûniştinek ji bo Klûba Sînemaya Sîyasî li dar xist, tê de belgefîlmê bi navê “Redi’ El-Udwan” anku Pêşîlêgirtina Dijminkarîyê nîşan da.
Fîlm ku berhemê Sazîya Giştî ya Berhedana Televîzyonî û Radyoyî ye, qonaxên operasyonên leşkerî û plansazîyên lojîstîk ên ji bo rizgarkirina Sûrîyê ji rejîma Esed belge dike. Fîlm xwe dispêre şahidhalîyên zindî, wêneyên asmanî, dîmenên rizgarkirina girtîyan û danûstandina mirovî ya bi sivîlan re.
Berpirsê klûban, Omer Qertûme, dîyar kir ku klûb wekî platformekê ji bo xurtkirina bîrdanka neteweyî û dîyaloga ciwanan, rûniştinên heftane li dar dixe, li rex Klûba Dîyalogê û Klûba Xwendina Sîyasî.
Ji alîyê xwe ve, keça ciwan Lîna El-Kernîb, tekezî li ser girîngîya fîlm di parastina bîrdanka qurbanîdanan û veguhastina wê ji bo nifşên pêşerojê wekî berpirsyarîyeke neteweyî kir.
