Şam- Sana
Wezîrê Geşt û Guzariyê Mazin El-Salhanî, imzakirina hejmarek ji girêbestên veberhênanê yên nû di sektora geşt û guzariyê de ragihand, bi armanca piştgiriya turîstiyê li Sûriyê û xweştirkirina rewşê da veberhênan û geşt û guzarî li welat pêşdetir biçe.
Di daxwiyaniyekê ji peyamnêra Sanayê re, Wezîr El-Salhanî diyar kir ku girêbesta otêla ″El-Bewabat El-Seba’ ″ (berê Şîraton bû) ji aliyê kompaniya ″LePark Concorde″ yek ji wan bû, û amaje kir ku dê proje di riya ahengeke fermî re îro êvarê dest pê bike.
Wezîr diyar kir ku projeyên turîstî yên hatine imzakirin dê giringiyê bidin pîşeyên karên dest û karên kevneşopî yên sûrî, bi beşdariya pîrên kar, da bibe beşek ji nasnameya çandî ya van deveran, her weha got:″Budceya texmînkirî ji bo hazirkirina otêlê da careke din bikar bînin di nav 60 û 65 milyon dolar de ye.″
El-Salhanî amaje kir ku nirxê tevaya girêbestên veberhênanên turîstî yên hatine imzakirin, çi yên bi riya girêbestên yekser re an yadnemeyên lihevkirinê bin, gihiştiye 1.5 milar dolarî, pêşxistina hin deverên turîstî yên berê û avakirina otêl û havîngeh û bajarên xweşiyê, her weha hin pirojeyên ji bo amadekirina deverên şûnwarî yên dîrokî, di projeyê de ne.
Ev gav beşek ji plana Wezareta Geşt û Guzariyê ye ji bo geşkirina sektora turîstiyê û berfirehkirina wê bi riya projeyin cûreyî ji bo pêşxistina abûriya welat û anîna veberhêneran.
