Şam – SANA
Rêveberê Karûbarên Erebî di Wezareta Karên Derve û Koçberan de Mihemed Taha El-Ehmed, îro bi şandeke Komara Koreya Başûr re rêyên bihêzkirina têkilîyên dualî di navbera her du welatan de gotûbêj kirin.
Civîna ku îro li avahîya Wezaretê pêk hat, pêkanîna nirxandineke giştgir ji bo asta têkilîyên dualî li xwe girt, nemaze yên têkildarî asoyên peywendîya astbilind di navbera her du alîyan de û rêyên pêşxistina wê bi awayekî ku xizmeta berjewendîyên hevbeş bike.
Her wiha gotûbêjan behsa çend warên hevkarîya sektorî kir, di nav de hevkarîya aborî û bihêzkirina derfetên hevkarîya geşepêdana fermî, ligel berfirehkirina bernameyên pevguhertina çandî û perwerdeyî û lêkolînkirina îmkanên pêşxistina hevkarîyê di warên din ên xwedî girîngîya hevbeş de.
Li ser asta navdewletî, her du alîyan tekezî li ser giringîya bihêzkirina hemahengîya dualî di qada navdewletî de kir, bi awayekî ku xizmeta dozên xwedî girîngîya hevbeş bike, ligel pevguhertina nêrînan derbarê pêşhatên herêmî li Rojhilata Navîn, rewşa Sûrîyê û pêşhatên herî dawî li Nîvgirava Koreyê.
Her du alî li ser destnîşankirina cih û dema lidarxistina civîna şêwirmendîyên sîyasî ya bê li hev kir, ew jî di nîvê yekem ê sala 2026an de, da ku berdewamîya pêwendî û pêşxistina têkilîyên navbera her du welatan misoger bike.
Di demeke zûtir a îro de, çalakîyên yekemîn Foruma Aborî ya Sûrî-Koreyî dest pê kirin, ku bi sponserîya wezaretên Karên Derve û Aborîyê, bi hevkarîya Balyozxaneya Komara Koreya Başûr û ajansa KOTRA, li otêla “Seven Gates” (Heft Dergeh) li Şamê tê lidarxistin.
