Tokyo-SANA
Lêkolînerên Japonî û Amerîk şeş cureyên şekir di nimûneyên zinar û toza gerstêrkeke biçûk de vedibînin, ku ev yek dibe nîşana hebûna pêkhateyên jîyanê li derveyî Cîhanê.
Desteya Radyo û Televîzyona Japonî (NHK) îro dîyar kir ku tîmê nêzî 0.6 gram ji nimûneyên ku ji alîyê sehkerê NASAyê ve ji gerstêrka biçûk a Bennuyê di Pergala Rojê de hatibûn komkirin, şîrove kirine û ragihand: Encamên şîroveyan bi xurtî piştgirîyê didin wê teorîya ku dibêje: Ew madeyên ku pêkhateyên jîyanê pêk tînin li derveyî Cîhanê hebûn û bi rêya kevirên esmanî (meteoran) derbasî Cîhanê bûne.
Ew şeş cureyên şekir (Rîboz)ê ku yek ji pêkhateyên Asîda Navokî ya Rîbozî (RNA) ye û agahîyên genetîk hildigire, û (Glukoz)ê ku çavkanîya enerjîyê ya jîyanê ye, li xwe digirin.
Ev cara yekem e ku şekir di nimûneyên asteroîda Bennuyê de tê kifşkirin, ku heta niha tê de asîdên amînî yên ku jîyana li ser rûyê Cîhanê ji bo çêkirina proteînan bi kar tîne, û pênc bingehên navokî (nucleobases) ku ji bo hilanîn û veguhestina rênimayên genetîk di DNA û RNAyê de tên bikaranîn, hatibûn dîtin.
Hêjayî gotinê ye ku heta niha hin cureyên şekir di wan kevirên esmanî (meteoran) de hatine kifşkirin ku ketine ser rûyê erdê.
