New York-SANA
Zanistvanên Zanîngeha Cornell a Amerîkî, bi hevkarîya Zanîngeha Nanyang a Teknolojîk a Sîngapûrê, karîn amûreke demarî ya pir biçûk pêş bixin ku dikare çalakîya mejî tomar bike û ji salekê zêdetir bi awayekî bê têl veguheze, ev yek wek destkeftîya yekem a cureya xwe tê hesibandin.
Li gorî malpera bijîşkî “Medical Xpress”, mezinahîya amûrê, ku jê re “MOTE” tê gotin, bi qasî 300 mîkron dirêj û 70 mîkron fireh e, ango bi qasî libek xwê ye. Ew bi tîrêjên lazerê yên sor û bin-sor ku bê zirar di nav tevna mejî re derbas dibin, dixebite, di heman demê de îşaretên demarî têne şîfrekirin û bi rêya pêlên ronahîyê yên biçûk têne veguhestin.
Profesor Alicia Molnar ji Zanîngeha Cornell dîyar kir ku ev amûr heya niha ya herî biçûk e ji cureya xwe, û bi vexwarina enerjîyê ya pir kêm tê naskirin ku veguhestina daneyan bi karîgerîyeke bilind pêk tîne. Wî destnîşan kir ku ceribandinên li ser mişkan serkeftina amûrê di tomarkirina çalakîya demarî de bi duristî, digel ku ajel di rewşeke tendurist de mabûn, piştrast kirin.
Molnar anî ziman ku biçûkîya amûrê, li gorî elektrodên kevneşopî, azirîna tevna mejî kêm dike, her weha di paşerojê de dikare di tevnên din de wek stûna hestî yan jî di dema vekolînên MRI de were bikaranîn, ku ev yek rê li ber sepanên bijîşkî û demarî yên berfireh vedike.
Lêkolînên nûjen di warê endezyarîya demarî de hewl didin ku amûrên biçûk pêş bixin ku çalakîya mejî bêyî ku zirarê bide tevnê, bişopînin, ku ev yek asoyên nû ji bo dermankirina nexweşîyên demarî û têgihîştina mekanîzmayên karê mejî vedike.
