Qahîre-SANA
Di hevdîtina xwe ya bi Wezîrê Karên Derve û Koçberan Esed Hesen El-Şeybanî re, di çarçoveya 80emîn civînên Komeleya Giştî ya Neteweyên Yekbûyî li New Yorkê de, Wezîrê Karên Derve yê Misrê Bedir Ebdul ‘Aatî, helwesta Misrê ya neguhêr derbarê pêwîstiya parastina yekîtî û yekparçeyiya axa Sûriyê piştrast kir.
Wezareta Karên Derve ya Misrê îro di daxuyaniyekê de, diyar kir ku Wezîr Ebdul ‘Aatî tekezî li ser piştgiriya saziyên dewleta Sûriyê kiriye, bi awayê ku serweriya wê ya tam vegerîne û çavkaniyên dahatên gelê Sûriyeyê biparêze. Û tekez kir ku pêvajoya siyasî ya ku tevaya pêkhateyên gelê Sûriyê tê de beşdar bin bingeha pêkanîna aramiya domdar e.
Ebdel ‘Aatî destnîşan kir ku biserxwevhatina Sûriyê û vegerandina rola wê ya xwezayî di nav derdora wê ya Erebî û herêmî de, armanceke bingehîn e, ewlehiya neteweyî ya Erebî zêde dike, û tekezî li ser girîngiya berdewamiya bizavên dijî teror û tundrewiyê kir.
Wezîrê Misrê her wiha tekezî li ser redkirina welatê xwe ya tam ji binpêkirinên dubare yên Îsraîlê ji serweriya Sûriyeyê re kir, û hişyarî da derbarê metirsiya hewldana derfetdîtina rewşa niha ji bo derxistina behaneyan ji destwerdana biyanîyan re. Û tekez kir ku Misir di danûstandinên xwe yên herêmî û navneteweyî de herdem cextê li ser girîngiya rêzgirtina yekîtî û serweriya tam a Sûriyê dike û hemû hewildanên têkbirina ewlehî û aramiya wê red dike.
