Şam – SANA
Wezîrê Karên Derve û Koçberan, Es’ed Hesen El-Şeybanî, di çarçoveya pêşxistina peywendî û danûstadina bi hevkarên navneteweyî re, balyozên welatên Yekîtîya Ewropî li Şamê pêşwazî kirin.
Di civînê de pêşketinên herî dawî yên Sûrîye û herêmê, û rêbazên pêşxistina hevkarîya di navbera Sûrîyê û welatên Ewropî di warên cuda de, hatin nîqaşkirin.
Her weha her du alîyan çend mijarên girîng jî nîqaş kirin, ji nav wan:
• Êrîşa berdewam ya Îsraîlê li ser xaka Sûrîyeyê û bandorên wê li ser ewlehî û aramîya herêmê.
• Meseleya edaleta veguhêz û rola wê di pêşvebirina lihevhatina neteweyî de.
• Piştgirîya projeyên geşepêdanê, nemaze li deverên zîyanlêbûyî, ji bo baştirkirina vejîna aborî.
• Parastina yekîtî û aramîya Sûrîyeyê û redkirina her projeyeke veqetandin an parçekirinê.
• Tevlêkirina Hêzên Sûrîya Demoqratîk di nav sazîyên dewleta Sûrîyeyê de ku yekîtîya biryardan û serwerîyê misoger bike.
• Pêşkêşkirina alîkarîyê bo Parêzgeha Siweydayê û piştgirîkirina hewildanên dewletê ji bo vegerandina sazîyên wê ku li hemî deveran bi rengekî karîger bixebitin.
Her weha, Wezîr El-Şeybanî di hevdîtinê de girîngîya danûstandina rasterast û eşkere ya bi welatên Ewropî re û xurtkirina têkilîyên di navbera her du alîyan de -li ser bingeha berjewendîyên gelan- tekez kir.
