Parêzgarên Sûrîyê-SANA
Ji ber bûyerên trafîkê û şewatan ku li deverên cuda cuda li Sûrîyê rû dan û tîmên Parastina Sivîl a Sûrîyê ya ser bi Wezareta Rewşên Awarte û Birêvebirina Karesatan bersiva wan daye, du kes mirin û 38 kesên din birîndar bûn.
Parastina Sivîl îro Çarşemê li ser kanala xwe ya Telegramê ragihand ku tîmên wê bersiva 27 bûyerên trafîkê dane, ku di encamê de du kes minrin û 38 kes jî birîndar bûn, û dîyar kir ku tîmên wê alîkarîyên seretayî ji birîndaran re pêşkêş kirin, piştre ew rakirin nexweşxaneyan, şopên bûyeran rakirin û cihên wan ewle kirin.
Her wiha, tîmên Parastina Sivîl bersiva 70 şewatan li seranserî Sûrîyê dan; șewat li mal, dikan, gîya, dar, çop û têlên elektrîkê derketibûn. Di encamê de endamekî agirkujîyê û 3 kesên sivîl birîndar bûn, zirarên mayî jî tenê di warê madî de sînordar man.
Parastina Sivîl careke din bi bîr xist ku pêwîst e agir di nav daristan û zevîyên çandinîyê de neyê vêxistin, binikên çixareyan li kêleka rêyan neyên avêtin, ji şewitandina gîyayên hişk ên li dora xanîyan an li kêleka rêyan dûr bikevin, û pêwîst e ku bi awayên ewle werin rakirin.
