Heleb-SANA
Endamekî Hêzên Ewlekarîya Hundirîn birîndar bû, piştî ku nîşangirên HSDê xaleke kontrolê li filka Şîhan li bakurê bajarê Helebê kirin armanc, ew jî dema ku hêzên ewlekarîyê li ser karê birêvebirina tevgera sivîlan bûn.
Fermandarê Ewlekarîya Hundirîn li Helebê Mihemed Ebdulxenî, tekez kir ku endamê birîndar hatiye rakirin ji bo dermankirinê û bersiva çavkanîyên gulebaranê hatiye dayîn û hatine bêdengkirin, her wiha hişyarî da ku berdewamîya van binpêkirinan dê bi tedbîrên pêwîst werin bersiv dayîn.
Rêveberîya Ragihandinê ya Helebê ji alîyê xwe ve got ku: Tiştê ku HSDê di van demên dawî de dike û redkirina wê ya ji bo bicihanîna xalên peymana 10ê Adarê, nîşan dide ku ew bi çarenûsa welat dilîze, û ev nîşana daxwaza wê ye ku herêmê bikişîne nava pevçûnekê ku ew ê tê de şikestî be.
Her weha Rêveberîyê anî ziman ku HSDê naxwaze ev peyman bi ser bikeve, û bi vî rengî li dijî daxwaza tevahîya gelê Sûrîyê ya ku dixwazin Sûrîyê bibe yek û yekgirtî, di nav xêr, aştî, geşedan û aramîyê de bijî, derdikeve.
