Heleb-SANA
Hat ragihandin li Helebê pasewanekî ku hatibû tespîtkirin tevlî çend sûcan bûye ji teref ewlekarîya hundirîn ve hat girtin.
Li gorî agahîyên ku hatine wergirtin Fermandariya Ewlekariya Navxweyî li Parêzgeha Helebê, bi hevkariya Şaxa Dijî Terorê operasyoneke ewlehiyê pêk anî. Hat hînbûn di encama operasyonê de sûcdar Hesen Marai Hesen el-Hussein, ku bi eslê xwe ji gundê “Telhadiye” li gundewarê başûrê Helebê ye, hate girtin. Tê diyarkirin kesê ku hat girtin di zindanê li Zindana Sednayê de gardiyanek bû ku ew di binpêkirinên giran ên li dijî girtiyên sivîl de tê tawanbarkirin.
Derbarê mijarê de ji teref Wezareta Navxweyî ve îro di daxuyanîyek li ser kanala xwe ya Telegramê hat belavkirin. Di daxuyanîya ku hat belavkirin de Wezaretê îfade kir ku lêpirsînan eşkere kir ku sûcdar di nav yekîneya gardiyanên taybet ên zindanê de dest bi karê xwe kiriye û dûv re wekî gardiyanek zindanê li “Zindana Sor” a bi navê Sednaya hate tayînkirin û li wir ew tevlî îşkencekirina fîzîkî ya girtiyan bûye û beşdarî îdamên meydanî jî bûye. Hat hînbûn wî her weha cenazeyên hin girtiyên ku di bin îşkenceyê de mirine veguhastin û avêtin cihên nenas.
Wezaretê di berdewama daxuyanîya xwe de diyar kir ku sûcdar ji bo girtina hemî tedbîrên qanûnî yên pêwîst li dijî wî ji dadweriya pispor re hatiye şandin.
Her wisa Wezaretê piştrast kir ku operasyonên çavdêrî û şopandinê berdewam in da ku her kesê ku îspat bibe ku di binpêkirinên li dijî sivîlên bêguneh de beşdar e, parastina mafên wan û pêşxistina edalet û serweriya qanûnê were girtin.
