Şam-SANA
Îro zêdetirî 4 mîlyon û 500 hezar xwendekar berê xwe dan dibistanên xwe, ligel destpêkirina werzê xwendinê yê duyem ji bo sala 2025-2026an, ku li ser nêzîkî 12 hezar dibistanan li parêzgehên Sûrîyê yên cuda hatine dabeşkirin.
Wezîrê Perwerde û Fêrkirinê Mihemed Ebdulrehman Tirko di daxuyanîyekê de ji nûçegihana SANAyê re tekez kir, ku wezaret bi piştgirîyeke mezin ji hikûmetê gelekî hewl dide ji bo baştirkirina rewşa jîyana mamosteyan, û eşkere kir ku nêzîk wê nûçeyên xweş ji bo kadroyên Wezareta Perwerde û Fêrkirinê hebin.
Her weha derbarê derengketina mûçeyên mamosteyan de, Tirko zelal kir ku amadekirina xişteya mûçeyan û lêkolînkirina wan ligel darayîyê bi dawî bûye, û kar tê kirin ji bo lezkirina proseya dayîna mûçeyan ji bo hemû mamosteyan.
Ji alîyê xwe ve, rêveberê fêrkirinê di wezaretê de Mihemed Sa’id Qedûr dîyar kir ku rêveberîyên perwerdehîyê li parêzgehan hemû rênimayên pêwîst girtine ber xwe, ji bo pêşwazîkirina xwendekar û kadroyên rêveberî û fêrkarîyê, û pêkanîna amadekarîya tam ji bo destpêkirina werzê xwendinê yê duyem.
