Şam-SANA
Wezîrê Darayî Mihemed Yusir Bernîyê, ligel Rêvebera Îdareya Rojhilata Navîn di Rêveberîya Giştî ya Rojhilata Navîn, Bakurê Afrîka û Kendavê de li Yekîtîya Ewropayê Henrika Trautmann, hejmarek mijarên xwedî berjewendîya hevbeş gotûbêj kir; ku di serî de çalakkirina xebata Navenda Piştgirîya Teknîkî ya ku biryar e di demeke nêz de li Şamê bi piştgirî û fînansekirina Komîsyona Ewropayê were vekirin.
Wezareta Darayî îro Çarşemê bi rêya kanala xwe ya Telegramê dîyar kir ku her du alîyan destpêkirina komxebatên pispor li Şamê yên têkildarî mijarên darayîya giştî gotûbêj kir, mîna rêveberîya darayî ya hikûmetê, hevkarîyên giştî û taybet, û birêvebirina deynê giştî, bi armanca veguhastina zanînê û avakirina şîyanan.
Di hevdîtinê de xurtkirina hevkarîyê di warê bihêzkirina rêveberîyê û piştgirîya damezirandina şirketên pişkdarîyê de hat gengeşekirin, ligel alîkarîya ji bo piştgirîkirina rêça veguhertina dîjîtal û piştgirîya projeya “Sûrîya Bêkamp”.
